Magazine RádiuNotisiasTetum

Komunidade Barak Iha Territoriu Nasionál Seidauk Asesu Ba Be’e Moos

Dili – Asosiasaun HAK deklara,  komunidade barak iha territoriu nasionál, seidauk asesu ba be’e moos.

Asosiasaun HAK no parseiru dezenvolvimentu sira, realiza seminariu nasional ida hodi diskute hamutuk ho  entidade hotu, inklui ajencia internasional kona ba fornesimentu be’e moos ba komunidade sira, iha  territoriu nasional.

Diretor asosiasaun HAK, Xisto Dos Santos hateten, bazeia ba observasaun HAK durante ne’e, komunidade barak seidauk asesu ba be’e moos.

Program diretor Water Aid Timor Leste Antonio Do Rosario informa, Water Aid iha fundu ne’ebé naton atu dezenvolve sistema  be’e moos,  maibe persiza tau atensaun  makas  husi   governu.

Hatan ba preokupasaun ne’e, prezidente konsellu  administrasaun BTL.EP, Carlos Peloi Dos Reis promete, sei kontinua projetu foun no halo manutensaun ba sistema  instalasaun bee moos.

Prezidente konsellu  administrasaun BTL.EP enkoraja sidadaun hotu,  atu tau matan ba sistema instalasaun be’e, nune’e sistema be’e moos bele dura too tempu naruk.

(Cipri/Siso)

Show More

Related Articles

Back to top button
error: !