Dili – Komandu jeral PNTL sei izola membru polisia ne’ebe envolve iha aktividade partidus politiku.
Komandante jeral PNTL, komisariu polisia Faustino Da Costa hateten, tinan ne’e nudar tinan politika, tamba ne’e membru polisia hotu sei halao servisu ho independente hodi garante neutralidade durante kampaiña to’o eleisaun parlamentar.
Tamba ne’e, komandu jeral PNTL sei la autoriza membru polisia sira atu envolve iha aktividade partidus politikus.
Komandante polisia munisipiu Dili, superintendente xefe Natercia Martins afirma, lei define ona membru polisia sira nia misaun no direitu, tamba ne’e, membru sira sei halao servisu bazeia deit ba lei no ordem komandu.
Enquantu, iha tempu besik komandu jeral PNTL sei kompleta transporte no ekipamentus PNTL nian hodi distribui ba membru sira iha munisipiu no eskuadra sira.
Tuir planu, prezidente republika sei dekreta kalendariu eleisaun parlamentar iha fulan fevereiru tinan ne’e.
(Juvenal/Siso)
