Dili – Komisario PNTL husu ba membru sira atu kuidadu saúde wainhira hala’o knar.
Pedidu ne’e, transmite husi xefi departamentu relasaun públika PNTL, superentidente xefi Arnaldo De Araujo hafoin partisipa selebrasaun natal hamutuk no seremonia entrega servisu foun, iha Aileu.
Superentidente xefi Arnaldo De Araujo husu ba membru PNTL sira wainhira hala’o knar tenki kuidadu saúde, tanba membru PNTL nain atus 291 mak mate durante ne’e.
Komandante PNTL munisípiu Aileu, superintendente polisia Ludgerio Picancio Madeira Lay afirma, membro PNTL ne’ebé sofre moras sei relata ba komandu jeral hodi tau atensaun.
Tuir dadus, membros PNTL nain tolu mate ona, iha komandu PNTL munisipiu Aileu durante tinan 2022.
Enquanto, superentidente assistente Antonio Soares entrega fali servisu ba segundu komandante PNTL atual, superentidente assistente Luis Da Costa, iha salaun veteranus Aileu.
(Tome/Siso)
