Dili – Komandu jeral PNTL alerta ba sidadaun, labele sunu fogetes iha resintu igreja.
Komandante jeral PNTL, komisariu Faustino Da Costa hateten, nudar sarani ne’ebe diak tenke hatudu dixiplina bainhira partisipa missa.
Komandu mos sei kontinua koloka membru sira iha igreza hotu hodi garante seguransa ba missa simu tinan foun.
Komandante polisia munisipiu Dili, superintendente xefe Natercia Martins hateten, sidadaun hotu tenke iha konsiensia hodi partesipa iha festa simu tinan foun ho esperansa no domin.
Komandante munisipiu Bobonaro, superintendente Antoninho Mauluta garante, misa tinan foun sei lao hakmatek iha munisipiu Bobonaro.
Komandu jeral PNTL kontinua bandu motorista sira lanu kondus transporte ba munisipiu, hodi evita asidente.
Antes ne’e, komandu jeral PNTL hasai ona diretiva ida ba komandante munisipiu no unidade sira hodi asegura situasaun hakmatek iha periodu festa natal ho tinan foun.
(Juvenal/Siso)
