Magazine RádiuNotisiasTetum

Komisaun Organizadora Ba Eventu Serimonia Tomada Pose Aktualiza Prepaprasaun Ba Parlamentu Nasional

Dili – Komisaun organizadora ba eventu serimonia tomada pose no restaurasaun independensia aktualiza prepaprasaun ba parlamentu nasional.

Sexta feira ne’e, presidente komisaun organizadora, Miguel Pereira De Carvalho informa, governu hahu halo ona preparasaun ba eventu bo’ot rua ne’ebe sei realiza iha loron 20 fulan maio, iha tasi tolu Dili.

Atual ministro administrasaun estatal ne’e argumenta, komisaun organizadora mos apresenta mos karta ofisial ba parlamentu nasional hodi realiza plenaria iha Tasi Tolu Dili iha loron 19 fulan maio tinan ne’e.

Governante ne’e fundamenta, dadaun ne’e komisaun organizadora hahu komunika ho gabinete presidente eleitu atu kontaktu ba homólogo ne’ebe sei partisipa serimonia tomada pose xefe estadu foun.

Aleinde ne’e, presidente komisaun organizadora ne’e deklara, serimonia restaurasaun independensia ne’e laos realiza deit iha Dili, maibe munisipio hotu sei realiza hodi festeza tinan 20 ba restaurasaun independensia iha loron 20 fulan maio ne’e.

(Alau/Siso)

Show More

Related Articles

Leave a Reply

Your email address will not be published. Required fields are marked *

Back to top button
error: !