Dili – Konselu ministrus aprova votu pezar ba Jape Kong Su, emprezáriu Timoroan ne’ebe hakotu is iha loron 27 fulan setembru tinan 2022.
Ministru prezidénsia konsellu ministru, Fidelis Leite Magalhães, lori governu Timor Leste nia naran hato’o votu pesar ba familia enlutada no deseja ba jerasaun avo Jape, hodi kontinua servisu ba prosperiedade nasaun Timor Leste.
Jape Kongsu nudar Timoroan ne’ebe dahuluk halo investimentu bo’ot iha desenvolvimentu fisiku hanesan Timor plaza hodi hatudu imagem Timor Leste nian ba mundu internasional.
Jape group, harii hosi Jape Kong Su iha Darwain-Austrália iha tinan rihun ida, atus-sia-76 no susesu iha projetu proprietáriu komersial iha Darwin iha dékada rihun ida, atus sia-80.
Tanba komérsiu ne’e hetan progresu, iha tinan rihun ida, atus-sia-89 harii tan jape homemaker village iha Australia, no tinan 2011 harii timor plaza iha Timor Leste nu’udar sentru komersial modernu.
Entertantu; mate isin Jape Kong Su sei lori mai Timor Leste iha loron nen fulan outubru tinan nee, hodi ba halo’ot iha hera postu administrativu Kristu Rei municipiu Dili.
(Domingos/Alau)
