Dili – Konsellu ministro aseita konvite atu partisipa espozisaun mundial iha Osaka – Japaun iha tinan 2025.
Proposta ne’e, aprezenta husi ministru turízmu, komersiu no indústria, Jose Lucas Do Carmo Da Silva, foin lalais ne’e.
Ministru prezidênsia konsellu ministru, Fidelis Leite Magalhães hateten, partisipasaun Timor Leste iha espozisaun ne’e, nudar oportunidade atu promove Timor Leste nia produtu lokal.
Iha loron hanesan, konsellu ministru mos aprova rezolusaun governu konaba donativu miliaun ida, rihun atus lima ba programa ai-han mundial nasoens unidas hodi foo apoio humanitaria ba povu Ukraina.
Apoio ne’e oferese tamba tuir nasoens unidas nia dadus, ema miliaun ida resin mak afetadu husi konflitu entre Ukraina ho Russu hodi halai sai husi nasaun.
Konflitu ne’e rezulta sidadaun sivil barak mak mate iha funu entre nasaun rua, no hamosu krize humanitaria bo’ot iha Europa.
(Jp/Emy)
