Dili – Konsellu ministru aprova projetu dekretu lei regulamentu medalla militar no medalla komemorativa defeza no F-FDTL.
Ministru prezidensia konsellu ministru, Fidelis Magalhães hateten, objetivu husi diploma ne’e atu kria no regula kondisaun atribuisaun ba modalidade medalla militar ne’ebe destina atu fó prémiu ba servisu ho valor ás ba F-FDTL no nasaun.
Fidelis Magalhães akresenta, diploma ne’e mos atu halo distinsaun ba virtude importante ne’ebe hatudu iha servisu husi militar F-FDTL, ne’ebe haree ba klasifikasaun, tipu servisu.
Governante ne’e relata, medalla ho kategoria balun sei fó ba sira ne’ebe servisu iha F-FDTL ho tempu naruk sein iha asaun disiplinar no sira ne’ebe envolve iha operasaun militar ho dedikasaun diak no seluk tan.
Entretantu projetu dekretu lei kona-ba regulamentu medalla militar no medalla komemorativa defeza no F-FDTL ne’e aprezenta husi ministru defeza Filomeno Paixão De Jesus.
(Bitu/Siso)
