Dili – Konselu ministru aprova dekretu lei estabelese rejime espesiál aprovizionamentu ba ezekusaun medida uma kbi’it laek.
Uma kain ne’ebé vulneravel liu, bele benefisia tuir modalidade apoiu finanseiru ba obra nia hela fatin, to’o valór maxíimu dolar amerikanu rihun sanulu resin tolu.
Portavoz governu Fidelis Leite Magalhães hateten, projetu dekretu lei hetan ona aprovasaun iha konsellu ministrus.
Dekretu lei ne’e estabelese rejime espesiál aprovizionamentu ne’ebé foka liu ba ezekusaun medida uma kbi’it laek.
Uma kain ne’ebé vulneravel liu, iha kontestu ezekusaun programa uma kbi’it laek, maka sidadaun ne’ebé ninia rendimentu médiu la hetan dolar ida no kategoria ba sidadaun nia uma ne’ebe aat hela.
(Domingos/Siso)
