Dili – Inan isin rua no labarik tinan ida mai kraik, hamutuk atus hitu resin, simu aihan nutritive, iha suku bairo pité Dili.
Xefe suku Bairo Pité, João Baptista hateten, programa ai-han nutritivu ne’e, realiza husi parseria entre programa aihan mundiál nasaun unida-WFP no ministériu solidariedade sosial no inkluzaun.
Autoridade lokal ne’e relata, inan isin rua no labarik rejistadu hamutuk atus hitu resin ne’ebe asesu ba programa aihan nutritivu hanesan fos, mina tein no koto.
Diretora servisu saúde munisípiu Dili, Agustinha Segurado fundamenta, programa distribui ai-han nutritivu ne’e, koeñside ho programa vasina integradu ba labarik sira.
Agustinha Segurado realsa, ai-han nutritivu sei lori impaktu di’ak ba redusaun kazu má-nutrisaun iha rai laran.
Entertantu, programa aihan nutritivu ne’e mos implementa iha suku sira seluk iha territóriu nasional.
(Sergio/Siso)
