Dili – Governu sei presiza tan dekretu lei tolu, hafoin atribui sertifikadu rai ba sidadaun sira.
Ministru justisa Manuel Carceres informa, governu halo hela esforsu makas atu halo aprovasaun ba dekretu lei tolu hanesan rejistu previal, informasaun cadastrais no direitu sidadaun sira okupa uma estadu.
Governante ne’e haktuir, dekretu lei tolu ne’e iha ona redasaun final iha konsellu ministru atu haruka ba Prezidente Republika promulga.
Governante ne’e haktuir, durante ne’e servisu rejistu kadastrais rejistu ona rai iha baze de dadus hamutuk rihun atus tolu neen.
Dau-daun ne’e, rai rihun haat nulu resin rua mak sei iha hela disputa, rai rihun atus rua, lima nulu resin mak prontu ona atu entrega sertifikadu rai ba nain sira.
(Manuel/Siso)
