Dili – Governu klarifika ba parlamentu nasional kona ba folin sasan sa’e iha mercado husi kompainia importador sira.
Hafoin audensia komisaun, vice ministro komercio industria Domingos Lopes Antunes informa, audensia ne’e atu introdus deit lei foun orsamentu geral estado tinan 2023 kona ba taxa importasaun.
Governante ne’e afirma, hafoin folin sasan sa’e iha mercado, governu halo kedas intervensaun ba kompainia importador sira, tamba kompainia balu viola lei foun ne’e hodi manipula folin sasan iha mercado.
Prezidete komisaun D Antoninho Bianco fundamenta, audensia ne’e, atu husu governu nia kontrolu ba presu sasan iha mercado, tamba kompainia sira uja oportunidade hodi hasa’e folin sasan.
Iha audensia ne’e, membro parlamentu nasional sira husu governu atu reforsa servisu aifaeza hodi kontrola lojas no kompainia importadores sira, maske rekursu menus labele kontrola to iha area remotas.
Durante audensia ne’e, vice ministro turizmo komrcio industria mos deklara, dadaun ne’e aifaesa hahu identifika ona kompainia balu nebe kontra regra governu hodi hasa’e presu sasan iha mercado, hodi foti medidas hasoru kompainia hirak ne’e.
(Alau/Siso)
