Dili – Governu Japaun liu husi ajénsia kooperasaun internasionál Japaun jica disponibiliza orsamentu dolar millaun 37.5.
Orsamentu ne’e, hodi apoiu konstrusaun projetu rekualifikasaun ba aeroportu internasionál prezidente Nicolau Lobato Comoro Dili.
ministru presidencia konselu ministru Fidelis Leite Magalaens esplika, konselu ministru atribui ona poder ba ministru finansas Rui Gomes atu asina akordu ne’e.
Akordu ne’e, kona-ba kontribuisaun finanseira ida ho montante hamutuk billaun 4,9, ekivale ho dolar amerikanu millaun 37,5 iha ámbitu projetu rekualifikasaun ba aeroportu internasionál prezidente Nicolau Lobato.
Entretantu, komunidade afeitadu iha airoportu hamutuk 256 maibe governu selu ona 105 no 151 seidauk iha hela prosesu nia laran.
(Domingos/Siso)
