Magazine RádiuNotisiasTetum

Governu Iha Kompetensia Atu Ezecuta Orsamentu Ratifikativo Ne’ebe Promulga Ona Husi Xefe Estado Sesante

Dili – Parlamentu nasional komfirma, governu iha kompetensia atu ezecuta orsamentu ratifikativo ne’ebe promulga ona husi xefe estado sesante Francisco Guterres Lu-Olo.

Primeira vice prisidenti parlamentu nasional Maria Anjelina Sarmentu informa, maske actual xefe estado Jose Ramos Horta husu Tribunal Rekursu atu halo fiskalizasaun abstrata ba dokumentu ne’e, maibe governu bele ezekuta ona orsamentu ne’e hodi hein tribunal pronunsia desizaun ruma.

Deputada bankada CNRT Carmelita Caitano Moniz deklara, presidenti republika Jose Ramos Horta iha nia kompetensia tomak atu husu tribunal fiskalizasaun ba dokumentu nebe konsidera hanesan kontra lei nebe vigora.

Antes ne’e, parlamentu nasional simu ona proposta lei orsamentu ratifikativo ho valor biliaun ida pontu atus ida resin husi governu atu halo diskusaun no aprova ho karakter urjente hodi responde medidas komplementares 13 ne’ebe konsidera hanesan importante.

Hafoin parlamentu nasional aprova iha final global orsamentu ne’e aumento ba bilaun ida pontu atus rua, ikus mai konsegue hetan promulgasaun husi presidenti republika sesante francisco guterres lu-olo.

(Alau/Siso)

Show More

Related Articles

Leave a Reply

Your email address will not be published.

Back to top button