Dili – Governu atualiza preparasun eventu komemorasaun proklamasaun independensia ba prezidente republika.
Prezidente komisaun organizadora, atual ministru administrasaun estatal Miguel Pereira De Carvalho informa, komisaun hahu halao servisu, hodi prepara fatin ba seremonia 28 novembru proklamasaun independensia ba dala 47.
Governante ne’e informa, seremonia refere sei realiza iha munisipiu Manatuto hahu iha loron 22 ho atividade oi-oin too loron 28.
Komemorasaun proklamasaun independensia ba dala 47 iha Manatuto, prezidente repúblika Jose Ramos Horta komfirmadu atu prezide serimonia istorika ne’e inklui fo mos kondekorasaun ba veteranu sira.
Seremonia refere, governu aloka orsamentu hamutuk rihun atus lima, inklui ba munisipiu hotu, iha Timor Leste.
(Manuel/Siso)
