Dili – Governu aprova rekursu materiál no insentivu finanseiru ba lideransa komunitária sira.
Projetu dekretu-lei ne’e, hetan aprovasaun iha reuniaun konsellu ministru kuarta-feira ne’e, nudar baze ida ba governu hodi insentiva lideransa komunitária sira.
Subsídiu fiksu ba xefe suku sira, husi dolar atus ida hatu nulu ba aus rua lima nulu, enkuantu subsídiu fiksu ba xefe aldeia husi dolar 100 ba 150.
Sorin seluk, subsídiu operasionál ba apoiu administrasaun suku, husi dolar amerikanu atus ida, sanulu resin liman ba dolar amerikanu atus ida hat-nulu.
Korresponde ba fulan sanolu, subsídiu deslokasaun ba membru sira konsellu suku nian, husi dolar amerikanu 30 ba dolar amerikanu 40.
Governu mos autoriza ministru finansas Rui Augusto Gomes, hodi autoriza selebrasaun ba alterasaun da-huluk akordu kontribuisaun finanseira nian, ba objetivu sira dezenvolvimentu entre Timor Leste no estadus unidus amérika, liu husi ajénsia USAID.
Kontribuisaun finanseira dolar amerikanu millaun sanolu resin hitu, rihun atus sia ne’e, atu apoiu iha area ligado prioridades sira neébe governu Timor Leste trasa ona.
(Domingos/Siso)
