Dili – GOPAC no CAC promove partisípasaun públiku hodi prevene no kombate korupsaun, iha Timor Leste.
Comisaun anti corupsaun-CAC no GOPAC realiza seminario durante loron ida, ba kargu xefia no funsionariu sira iha munisipiu Aileu, hanesan fase inisiu ba selebrasaun loron mundial anti korupsaun, nebe sei akontese iha loron 9 fulan dezembro tinan ne.
Comisario CAC, Sergio Hornay Hateten, atu komanbate kazu korupsaun no medidas ba prevensaun iha Timor Leste prisija kontribuisaun parte hotu, nune bele atinje ba governasaun diak, reponsabilidade, tranparansia no seluk tan.
Administrador postu administrativo Aileu-Vila Orlando Maia agradese ba GOPAC no CAC bele promove seminario hodi haklean konesimentu sidadaun sira hodi prevene no Kombate krime korupsaun iha rai laran.
Tema jeral ba loron mundial korupsaun nebe nasaoen unidas desidi, iha tinan ne’e, maka halibur hanoin hamutuk haforsa radika korupsaun.
Enquanto, tema nasional maka promove partisípasaun públiku hodi prevene no kombate korupsaun, iha Timor Leste.
(Tome/Siso)
