Dili – Familia matebian ho organizasaun arte marsiais no arte rituais, lamenta ho deklarasaun xefe casa militar presidensia republika.
Xefe casa militar presidensia republika interinu, maijor Francisco Da Silva deklara iha tersa-feira horiseik katak, matebian Izac Sinarai Da Costa mate tanba problema rai no arte marsiais.
Aman husi matebian, Florentino Ximenes Da Costa Sinarai konsidera, deklarasaun ne’e nakonu ho defamasaun.
Responsavel arte rituais sete-sete, Teotonio Machado, husu ba polisia, atu prosesa autor krime tuir lei armas brankas.
Sekretariu jeral ikatan kera sakti, Samuel Guterres konsidera, deklarasaun ne’e premature.
Dirijente ne’e rekonhece, matebian vítima laos membro arte marsial kera-sakti.
Xefe aldeia são josé aimutin, José Muca Sana, justifika, durante ne’e la iha problema rai ho ema seluk.
Enquanto, omesidu iha Delta-Elemloi, akontese iha loron neen fulan janeiru tinan ne’e, iha oras tuku rua madrugada, hodi rejulta suspeitu deskoinesidu nain rua oho matebian Izac Sinarai Da Costa mate fatin.
(Juvenal/Siso)
