Dili – Tenente jeneral, Falur Rate Laek konsidera loron konsulta popular 30 agustu hanesan vitoria povu Timor-Leste nian.
Xefe estadu maior jeneral forsa armada, tenente jeneral Falur Rate Laek hateten, desde uluk kolonizasaun tinan atus hat lima nulu, okupasaun japoneza funu segundu guerra mundial no okupasaun Indonesia, nunka fo oportunidade ba povu Timor-Leste atu deside nia destinu.
Tamba ne’e, luta naruk ne’ebe ho istoria humanidade Timor-Leste, nia interpretasaun maka loron konsulta popular 30 de agusutu.
Dirijente máximu F-FDTL ne’e afirma, juventude maka kontinuador ba progresu no dezenvolvimentu Timor-Leste nian.
Tamba ne’e, nia husu ba juventude agora tenke prepara a’an sai sivilizadu hodi transforma buat ne’ebe imposivel ba posivel.
(Juvenal/Siso)
