Dili – Estudante universidade da paz hamutuk ho aliansa maubere nasional, kontinua halo asaun pasifika kontra desisaun sosa kareta ba deputadu sira no halakon lei pensaun vitalisia.
Iha diskursu reitor universidade da paz Adolmando Amaral husu ba deputadu sira labele alerjia demais ho asaun kritika husi estudante sira halo, tamba sira reprejenta povu hodi hato’o preokupasaun povu nian.
Adolmano Amaral hateten, parlamentu nasional presiza tau interese ba nesesidade povu nian laos interesse pessoal, tamba povu barak mak sei moris halerik iha terus no susar.
Reitor UNPAZ ne’e husu ba parlamentu nasional atu aselera lalais lei pensaun vitalisia, hodi kria programa ne’ebe nesesariu ba povu nia moris hodi hasai povu husi kiak no mukit.
Entretantu iha manifestasaun asaun pasifika ne’e partisipa husi estudante universitarius hotu iha Timor-Leste.
Enkuantu manifestasaun ne’e sei hala’o to’o fulan dezembru no hetan seguransa husi polisia nasional Timor-Lorosa’e.
(Ancha/Juvi/Siso)
