Dili – Ekipa tekniku gabinete fronteira maritima sei desloka ba Indonezia iha fulan ne’e hodi solusiona segimentu bizaelan sunan no naktuka, iha RAEOA.
Ministra negósiu estranjeirus no koopersaun, Adalgiza Magno haktuir, nia parte kontinua kordena ho nia homologo iha Indonezia hodi fasilita ekipa tekniku fronteira terestre finalijasaun disputa rua ne’e.
Adalgiza Magno esplika, disputa noel besi, citrana Oekuse, presiza diskute klean tanba komplikadu.
Timor Leste ho Indonezia oras ne’e dadaun organiza hela desktop study hodi buka solusaun froteira Indonezia no Timor-Leste.
Foin lalais ne’e, xefe negosiador prinsipal delimitasaun fronteira terrestre no marítima, Xanana Gusmão deklara, hafoin fila husi Roma sei liu ba Indonesia diskute fronteira terrestre.
(Domingos/Siso)
