Dili – Ekipa konjunta sei halo atuasaun ba kareta estadu sira ne’ebe halao viajem iha loron feriaduperiodo natal ho tinan foun.
Portavoz komandu jeral PNTL, superintendente xefe Arnaldo De Araujo hateten, ekipa konjunta ne’ebe antes ne’e forma ona sei funsiona nafatin hodi halo kontrolu ba viaturas estadu, iha loron feriadu.
Tuir nia, viaturas estadu ne’ebe halo sirkulasaun iha loron feriadu tenki iha guia de marsa no ordem servisu husi instituisaun ne’ebe nia servisu ba.
Antes ne’e, ekipa konjunta konsege rejista kazu krimi, hamutuk 22 no submete ba ministeriu públiku ne’ebe involve direita liña ministeriais sira sekretariu estadu no instituisaun autonomu balun.
Ekipa fiskalizasaun konjunta ne’e, kompostu husi ministeriu finansas diresaun patrimoniu estadu, komisaun funsaun públika, diresaun nasional transporte terrestre, komisaun anti korupsaun, inklui polisia nasional Timor Leste.
(Juvenal/Siso)
