Dili – Ekipa konjunta hapara jogu ilegal toto bola, iha area aimutin Dili, iha segunda-feira horseik.
Ekipa konjunta kompostu husi inspetor jeral jogu, departamentu investigasaun kriminal nasional, servisu informasaun polisia no servisu nasional intelijensia.
Xefe ekipa konjunta, Luis Da Conçeicão Costa Pinto afirma, jogu toto bola iha aimutin ilegal tanba husu aprezenta dokumentos jogus maibé kompanhia la aprezenta.
Ekipamentu ne’ebe ekipa konjunta prende maka hanesan, komputador 16, ekran ida, router 3, makina imrensaun 3, modem ida, kadeira 25 inklui osan rihun ida resin.
Kliente toto bola, José Mucasalo, sai vítima ba hahalok husi kompanhia nebe loke jogu illegal.
Tamba ne’e,nia husu ba kompainia sira ne’ebe loke jogu iha timor leste tenke kumpri regras no koinesimentu husi governu.
Ekipa konjunta sei kontinua hala’o inspesaun ba to’o iha munisipiu, hodi hapara operador jogu ilegal ne’ebe kontinua, buras iha Timor Leste.
(Juvenal/Siso)
