DIli – Deskonfia advogadu privadu Manuel Tilman ho nia kliente, fa’an rai disputadu iha área Aimutin, ba Xineza balun.
Na’in ba rai, alzira Ximenes hateten, advogadu Manuel Tilman reprezenta fali nia kliente Pedro Hendrique Soares, hodi fa’an rai, ho nia medida rihun rua nulu resin ida, kilometru kuadradu, ba Xineza.
Bainhira RTTL konfirma ho Manuel Tilman, maibé nia parte la fo komentariu no sa’e kedas ba nia kareta, hodi sai husi resintu tribunal distrital Dili.
Enquantu, rai disputadu Alzira Ximenes sosa tutan husi sidadaun ida ho naran Agustinho Pereira Soares iha tinan 1997 ne’ebe kompleta ho sertifikadu rai.
Juvenal/Siso
