Dili – Sosiedade sivil konsidera, desizaun prezidente republika Jose Ramos Horta kondekora abdula makhmud hendroprioyono, halo traisaun ba eroi sira.
Koordenador asia justice and right Inocencio Xavier informa, eis xefe servisu nasional intelijensia republika indonesia no veteranu operasaun seroja jeneral reformadu Abdula Makhmud Hendroprioyono ho ninia maluk sira mak dezeña operasaun seroja hodi hamate povu no eroi sira durante funu.
Koordenador ajar ne’e konsidera mos katak, asaun prezidente republika ninian ne’e indiretamente hamosu politika impunidade violasaun direitu umanu durante Indonesia nia okupasaun iha Timor-Leste.
Diretor ezekutivu asosiasaun hak Sisto Dos Santos rezeita ho desizaun prezidente republika jose ramos horta ninian ne’e, tanba tenta proteje kriminozu sira liu-liu Abdula Makhmud Hendroprioyono.
tuir sisto, loloos ne’e asesor sira halo konsultasaun uluk ho parte hotu ba lista kondekorasaun, antes kondekora.
Iha serimonia ainversariu falintil-forsa defeza Timor-Leste ba dala 47 prezidente republika kondekora, jeneral nain tolu no no eis xefe servisu nasional intelijensia republika indonesia no veteranu husi operasaun seroja jeneral reformadu Abdula Makhmud Hendroprioyono.
(Bitu/Ancha/Siso)
