Dili – komisaun nasional eleisaun, sei utiliza sistema templeit letra brail hodi fasilita defisiensia matan partisipa eleisaun.
Prezidente komisaun nasional eleisaun Jose Belo informa, CNE submete sistema templeit ba lei eleitoral, hodi fasilita defisiensia matan iha Timor-Leste partisipa eleisaun sira, ho nune’e fasil ba defisiensia matan asesu ba buletin votus.
Nia akresenta, kona-ba sistema templeit ne’e sira nia parte informa ona ba komisaun parlamentar ba asuntu lei no justisa, hodi konsta mos direitu ema ho defisiensia ba eleisaun.
Dadus estatístika nasional 2015 ema ho defisientes mental, tilun, matan, ain no seluk tan ne’ebe eziste iha Timor-Leste hamutuk rihun 38.
(Bitu/alau/siso)
