Dili – Comisaun nasional eleisaun garante sidadaun hotu, sei partisipa iha eleisaun parlamentar tinan 2023.
Garantia ne’e hato’o husi prezidente komisaun nasional eleisaun, Jose Agostinho Belo, hafoin partisipa iha seminariu nasional konaba hametin forsa servisu eleisaun parlamentar, neebe realiza iha salaun CNE Dili, segunda feira ohin.
Jose Agostinho Belo argumenta, atu asegura partisipasaun elietores ho máximu iha eleisaun parlamenta, ekipa prepara ona estrutura nasional no munisipais no halo edukasaun sivika ba eleitores sira hotu, hodi garante partisipasaun iha eleisaun parlamentar.
Diretor CNE munisipio Vikeke, Honorio Cruz Da Silva hateten, orgaun eleitoral presija fasilita edukasaun cívica hodi hasae koinesimentu eleitores sira nian.
Dadaun ne’e, presidente republika Jose Ramos Horta hahu halo konslutasaun ho partido politiku sira hodi rona sira nia hanoin molok hakat ba eleisaun parlamentar.
Antes ne’e, comisaun nasional eleisaun halo edukasaun cívica ba escola sira hodi kolia konaba prosesu eleisaun ba eleitores foun sira.
(Ançha/Siso)
