Dili – Autoridade proteção sivil munisipiu Liquiçá distribuí ona material konstrusaun ba vítima dezastre naturais 99 iha munisípiu Liquiçá.
Diretor nasionál gestão risku desastre, Agostinho Cosme Belo, bandu benefisiarios sira atu labele faan fali sasan hirak ne’e ba ema seluk.
Maibé, nia ezize ba benefisiarios sira atu utiliza material konstrusaun hirak ne’e hodi hari uma.
Komandante operasional protesaun sivil munisípiu Liquiça inspector xefe Manuel Maria Dos Santos afirma, hafoin fulan rua, ekipa sei verifika fali uma ne’ebé vítima sira hari.
Vítima sira agradese ba plano governo hodi tulun sira atu bele konstrui hikas sira nia uma ne’ebe hetan estragus.
Vítima 99 ne’e kompostu husi postu administrativo Bazartete nain nen, Liquiça nain hatnulu resin tolu, no Maubara nain limanulu.
Husi número ne’e, uma ne’ebe hetan estragus total hamutuk hitunulu resin hat no at kaman hamutuk ruanulu resin lima.
(Delsio/Siso)
