Ajensia Ida Iha Malaizia, Haruka Fila Trabalador Timor Oan Na’in 14 Fila Mai Timor-Leste.
Iha Tersa Ne’e, Ajensia Ida Iha Malaizia Haruka Fila Trabalador Timor Oan Na’in 14 Mai Timor-Leste Ne’ebe Fundasaun Dezenvolvimentu Komunidade Timor-Leste Rekruta Ba Servisu Iha Kuala Lumpur.
Trabaladores Timor Oan Hirak Ne’e Ajensia Deside Haruka Fila Timor Oan Sira Nee Tamba Deskonfia Sai Vitima Ba Kazu Trafiku Umanu.
Timor-Oan Sira Nee To’o Iha Aeroportu Internasionál Nicolau Lobato Komoro Mais Ou Menus Tuku 10 Dader.
Hafoin To’o Iha Aeroportu, PSIK Asegura Kedas Sidadaun Hirak Ne’e Hodi Transporte Ba Iha Edifisiu Psik Caicoli Dili Hodi Hala’o Prosesu Identifikasaun .
Relasiona Ho Informasaun Ne’e, Jornalista RTTL Tenta Konfirma Ho Adjuntu Direitur PSIK Adino Nunes Cabral Maibé Rezeita Atu Fó Deklarasaun.
Antes Ne’e, PSIK Kaptura Ona Sidadaun Timor Oan Na’in Tolu No Autór Prinsipál Sidadaun Estranjeiru Na’in Rua Ne’ebe Deskonfia Núdar Autór Prinsipál Ba Kazu Trafiku Umanu Hodi Servisu Hamutuk Ho Fundasaun Dezenvolvimentu Komunidade Timor-Leste Haruka Trabalador Feto Na’in 7 Ba Servisu Iha Abu-Dabi.
