Dili – Aires Celestino Adelaide tinan 19 mate hafoin suspeitu inisial JPP sona ho tudik, iha kakorok parte karuk.
Komandante polisia munisipiu Dili, superintendente xefe Henrique Da Costa, konta kronolojia katak, suspeitu ho inisial JPP lori tudik sona mate vitima Aires Celestino Adelaide iha lurumata, ih aoras tuku ualu kalan.
Suspeitu submete ona ba investigasaun iha eskuadra polisia Dom Aleixu Komoro, hodi hatene lolos motivu husi kazu ne’e.
Tuir informasaun ne’ebe jornalista RTTL rekoilla, suspeitu ho vitima nudar kolega diak, vitima ho suspeitu halimar hamutuk maibe derepente suspeitu inisial JPP lori tudik sona vitima nia kakorok parte karuk hodi rezulta vitima mate.
Dadaun ne’e, suspeitu sei kontinua detein iha sela polisia durante oras 72 hafoin submete ba primeiru interogatoriu iha tribunal distrital Dili.
(Juvenal/Siso)
