Dili – Asosiasaun defisiensia Timor-Leste-ADTL ezije ba parlamentu nasional atu halo fiskalizasaun ba governu nia asaun ba inkluzaun defisiensia.
Diretor ezekutivu ADTL, Cesario Da Silva hato’o ezijensia ne’e, iha diskursu ba selebrasaun loron mundial ema ho defisiensia iha palasiu prezidensial Bairo Pite Dili.
Dirizente argumenta, governu tenke kumpre hodi realiza planu asaun ba inkluzaun defisiensia.
Prezidente parlamentu nasional, Aniceto Guterres, sei enkaminha preokupasaun ne’e, ba governu hodi implementa planu asaun ba ema ho defisiensia ne’ebe mak aprova tiha ona.
Tuir dadus estatístika nasional tinan 2015 ema ho defisiensia mental, tilun, matan, ain no seluk tan ne’ebe eziste iha Timor-Leste hamutuk rihun 38 resin.
(Bitu/Siso)
