Magazine RádiuNotisiasTetum

ADTL Ejije Ba PN Atu Rekruta Ofisiais Eleitoral Nebe Hatene Lian Jestual


Dili – Asosiasaun defisiensia Timor-Leste ejije ba parlamentu nasional atu rekruta ofisiais eleitoral nebe hatene lian jestual hodi fasilita ema ho difisiensia iha eleisaun.

Hafoin audensia ho komisaun A parlamentar, asesor prinsipal asuntu inkluzaun sosial iha palacio prezidente, Gaspar Afonso informa, durante audensia asosiasaun difisiensia sira ejiji atu parlamentu nasional kria lei hodi faslita ema ho difisiensia sira bainhira partisipa iha eleisaun.

Gaspar Afonsu Hatete, durante ne’e asosiasaun defisiensia sira halo advokasia ho komisaun nasional eleisaun no STAE, maibe orgaun eleitoral labele fasilita tamba lei la fo dalan.

Gaspar Afonsu deklara, asosiasaun defisiensia sira sei servisu hamutuk ho parseiro sira hodi halo edukasaun civika ba ema ho difisiensia atu partisipa maximu iha eleisaun parlametar tinan ne’e.

Dadaun ne’e, governu apresenta ona proposta alterasaun lei eleisaun parlamentar ba parlamentu nasional atu halo alterasaun, ba asunto ema ho defisiensia hodi fo espasu atu partisipa iha eleisaun parlamentar.

(Alau/Siso)

Show More

Related Articles

Back to top button
error: !