Magazine RádiuNotisiasTetum

Adjunto Komisariu KAK Kritika Deputada Bankada FRETILIN


Dili – Adjunto komisariu komisaun anti korrupsaun kritika, deputada bankada FRETILIN ne’ebe dehan KAK impede ezekusaun orsamentu estadu nee, la kontribui ba esforsu kombate korupsaun iha Timor Leste.

Komisariu adjunto prevensaun no sensebilizasaun komisaun anti korrupsaun, Luis De Oliveira Sampaio, hato’o kritika ne’e, relasiona ho deklarasaun husi deputada bancada FRETILIN Maria Anjelika foin lalais ne’e.

Luis De Oliveira Sampaio haktuir, lei ne’e introdus no impoin husi estadu ne’ebé parlamentu nasional rasik mak aprova nu’udar obrigasaun, dever entidade estadu tomak atu luta kombate korrupasaun.

Luis De Oliveira Sampaio informa, lei ne’ebe deputada ne’e kestiona laiha ligasaun ho ejekusaun orsamentu jeral estadu liu husi distribuisaun programa cesta basika.

Foin lalsis ne’e deputada bancada FRETILIN Maria Ánjelika Ranjel konsidera, ezecusaun orsamentu geral estado tinan nee lao tarde, tamba impede husi lei medidas prevensaun combate corupsaun.

Deputada Maria Ánjelika Ranjel fo ezemplu katak, ministerio nebe responsabiliza ba programa cesta bazika nia ezecusaun orsamentu menus tamba tekniku komisaun anti korrupsaun kontinua kontrola gastus.

Entretantu;orsamentu jeral estadu ba tinan 2022 hamutuk dolar amerikanu billaun tolu pontu rua, maibe progresu ezecusaun orsamentu geral estado tinan 2022 foin atinge pursentu 36 ekivale ho montante biliaun ida resin.

(Domingos/Siso)

Show More

Related Articles

Back to top button
error: !