Dili – Provedoria direitus humanus no justisa delegasaun teritorial Maliana sei halo fiskalizasaun ba iha kampaina elisaun parlamentar tinan ne’e iha munisipiu Bobonaro.
Diretor providoria direitus humanus no justisa delegasaun teritorial Maliana, Domingos Pinto Tavares hateten, PDHJ kontinua fiskaliza ba violasaun direitus humanus, no governasaun di’ak iha aktividade kampaina partidu politiku.
Alende ida ne’e, PDHJ delegasaun teritorial Maliana mos sei kopera ho komisaun anti korupsaun, no komisaun nasional elisaun hodi fiskaliza kareta estadu ne’ebe utiliza iha aktividade kampaina partidu politiku nian.
Maske nune’e PDHJ delegasaun teritorial Maliana infrenta hela problema kombustivel no transporte hodi bele fasilita iha aktividade fiskalizasaun.
Dadaun ne’e, prezidente republika hahu bolu ona partidu politiku sira hodi rona sira nian hanoin molok dekreta kalendariu kampaina elisaun parlamentar.
(Triponio/Siso)
