Dili – Polisia patrolamentu fronteira-UPF prende sigaru surya kaixa 12 tula ho bero, iha area palaka suku batugade, postu administrativu Balibo.
Komandante interinu polisia unidade patrolamentu fronteira-UPF superintendente assistente Carlos Monis Maia hateten, polisia sekreta hola kedas atuasaun nee,tamba comunidade partila informasaun ba parte seguransa,tamba mosu aktividades kontra bando iha baze.
Sigaru surya 12 nee, tula husi atapupu mai too iha palaka polisia halo aprensaun, maibe polisia la konsege captura nain ba sasan nee,tamba halai lakon.
Iha segunda feira semana nee, polisia moos premde sigaru surya kaixa 12 karton rua no manu futu rua nulu resin haat, tula husi tunibibi parte polisia entrega ona ba polisia eskuadra batuagde hodi halo prosesu investigasaun.
Entretantu fulan fevereiru nia laran moos UPF premde gazolina jerigen boot rua no gazoel sanulu resin hitu husi kompana alfa Tunubibi.
Dadaun nee, sasan sira tau hela iha edifisiu kompana alfa Tunubibi, tanba sasan hirak nee, nain laiha.
(Humberto/Siso)
