Dili – Parlamentu nasional aprova proposta alterasaun lei eleisaun parlamentar, iha generalidade.
Proposta alterasaun ba lei eleisaun parlamentar ne’e pasa ho votus a favor 38 kontra 0 no apstensaun 13 segunda feira ohin.
Presidente parlamentu nasional, Anicetu Guterres Lopes hateten, proposta lei ne’e hodi substitui proposta inisial nebe governu apresenta ona hodi ajusta hamutuk ho proposta nebe antes ne’e aprova ona.
Prezidente komisaun parlamentar lei no justisa deputada, Joaquim Dos Santos justifica, asunto nebe sei diskute iha proposta lei ne’e atu hadia artigo nebe altera hodi refleta ba situasaun atual.
Ministru administrasaun estatal, Miguel Perreira De Carvalho komfirma, proposta alterasaun ne’e hodi fo espasu ba jornalista sira vota livre iha centro votasaun, mantein centro votasaun paralelu, no aumenta oras ba centro votasaun iha estranjeiro.
Governante ne’e husu ba eleitores nebe atu vota iha centro votasaun paralelu nebe estabeles iha Dili, presija halo rejistrasaun iha STAE.
Hafoin aprovasaun iha jeneralidade parlamentu nasional fo tempo ba komisaun lei no justisa atu halo diskusaun iha espesialidade ho durasaun semana rua hodi kontinua ba final global.
(Alau/Siso)
