Dili – Primeiru ministru Taur Matan Ruak, hatoo kongratulasaun ba komunidade xines ne’ebe selebra tinan foun xina nian ka imlek.
Primeiru ministru Taur Matan Ruak garante, xineza kontinua kontribui hadia ekonomia rai laran.
Prezidente assosiasaun komersial komunidade Xineza Timor oan, Kathleen Gonçalves hateten, komunidade xines marka tan historia foun no loke tan pájina foun, ba selebrasaun tinan rihun haat atus ida, imlek iha tinan ne’e.
Kathleen Gonçalves hateten, iha tinan ne’e, komunidade xineza komemora imlek, marka ho koellu, tanba tuir tradisaun ema Xina, koellu nu’udar símbolu vida naruk, paz no prosperidade.
Atividade iha komemorasaun ne’e, maka hanesan halo orasaun hamutuk iha cina maromak bairo formoza, hanesan meiu ida atu hato’o orasaun tuir fiar no kustume ema Xinez sira nian.
Nune’e mos, vizita embaixada xina iha Timor-Leste, loja xina sira nian iha kapital Dili no remata iha semiteriu xina rate taibesi akompaña ho marsa dragon dance.
(Domingos/Siso)
