Dii – Diretor servisu programa nasional dezenvolvimento suco lansa distribuisaun kalen ba benefisiariu programa uma ba ema kbi’it laek plus B iha suku Lahane, Aileu.
Benefisiariu programa UKL plus B, nain hitu nulu resin, husi suku lahae no fatubossa, postu administrative Aileu-Villa, asesu ba distribuisaun husi governo liu husi PNDS.
Diretor servisu PNDS munisipiu Aileu, Amado Da Costa Martins hateten, distribuisaun kalen ba benefisiarios bazeia ba dadus nebé equipa PNDS rekolha.
Administrador munisipiu Aileu, Abel Da Conceição husu ba benefisiario atu utiliza kalen ba taka uma ne’ebe kondisaun kakuluk at ona, laos atu faan fali ka atividade seluk.
Benefisiariu, Agapito Sarmento Mendonça agradese ba governo tamba bele apoiu kalen ba sira hodi troka fali nia uma nebe kondisaun aat.
Enkuantu, total benefisiariu ba programa UKL plus B iha postu administrativo Aileu hamutuk 444 kompostu husi suku 12 no kada suku sei hetan benefisiariu nain 37.
(Tome/Siso)
