Dili – Komandu jeral PNTL preve ona orsamentu milaun ida hodi sosa uniforme no radio komunikasaun ba membru polisia sira.
Komandante jeral PNTL, komisariu Faustino Da Costa rekonhece, durante nee PNTL seidauk iha torre ba radio komunikasaun PNTL.
Maibé, governu ho komandu hahu instala ona torre PNTL iha munisipiu Bobonaro, Atauro, Oecusse No Lautem.
Nune’e iha tempu besik komandu sei responde ba problema komunikasaun ne’ebe membru sira infrenta.
Prosesu akizasaun ba ekipamentu no uniforme PNTL ne’e halao direita husi komite nasional aprovisionamentu-CNA.
Komisariu polisia ne’e garante, antes tama ba kampaina no eleisaun parlamentar ekipamentu hirak ne’e sei distribui ba membru sira, hodi asegura servisu seguransa.
(Juvenal/Siso)
