Dili – Prezidente republika sei halo konsulta ho partidu politiko sira antes marka data eleisaun parlamentar.
Xefe estadu hateten, atividade konsultasaun ne’e, sei hala’o hafoin fila husi vizita nasaun Brazil.
Ramos Horta rekonhece, ekonomia Timor-Leste nian hahu lao ba oin hafoin livre husi COVID-19.
Xefe estadu haktuir, ekonomia atu lao diak, eleisaun parlamentar tenke aselera lalais hodi hetan governu foun.
Xefe estadu hakarak partidu politiku tenke manan absoluta iha eleisaun parlamentar hodi evita koligasaun.
Antes ne’e, xefe estadu deklara ona, atu dekreta kalendariu eleisaun parlamentar iha fulan febreiru tinan 2023.
Entretantu, partidu politiku ne’ebe rejistadu, iha tribunal rekursu hamutuk 24 inklui partidu os verdes de Timor.
(Manuel/Siso)
