Dili – Ministru asuntu parlamentar no komunikasaun sosial kompromete, sei kopera ho nain ba media sira iha timor-leste, hodi hadia kualidade media iha futuru.
Prontidaun ne’e, hato’o husi ministru asuntu parlamentar no komuniasaun sosial Francisco Jeronimo hafoin partisipa enkontru ho nain ba media privadu no públiku sira ne’ebe hala’o iha salaun city eight Manleuana Dili, tersa feira ohin.
Francisco Jeronimo hateten, governu sei iha posibilidade hodi apoia ba media hotu hodi responde ba difikuldades neebe media sira hasoru.
Diretor diresaun nasional dizeminasaun informasaun Estevão Da Costa Belo husu ba media no radio komunidade sira atu kontribui informasaun los ba publiku sira hodi reduz informasaun falsu iha media sosial.
Entretantu iha enkontru ne’e governante ne’e garante sei dezemvolve diak liutan papel media nian iha tinan 2023.
Partisipante iha enkontru ne’e husi media nain sira iha nasional inklui radio komunidade sira husi munisipio.
(Ançha/Siso)
