Dili – Timor-Leste sai vítima ba krime organizadu husi nasaun vijiñu sira.
Prezidente republika Jose Ramos Horta rekoñese, Timor-Leste sai vítima ba krime organizadu husi nasaun liur sira, tanba nasaun Timor-Leste nia kondisaun sei frazil.
Xefe estadu ne’e konfirma, dau-daun ne’e Timor-oan balun mos partisipa iha krime organizadu hanesan tráfiku umanu, brankamentu kapital no seluk tan ne’ebe fasilita husi ema estranjeiru.
Antes ne’e, polisia sientifika investigasaun kriminal no servisu sekreta konsege kaptura arguidu trafiku umanu sira husi nasaun Indonesia, Australia no seluk tan.
(Bitu/Siso)
