Dili – Parlamentu nasional autoriza presidente republika José Ramos Horta vizita estado ba singapura iha loron nen to’o loron 11 fulan dezembro tinan ne’e.
Iha intervensaun deputado, Aderito Hugo Da Costa hateten, vizita xefe estadu ba singapura importante, atu bele diskute asunto Timor-Leste nia adezaun ba membro azean.
Tamba ne’e, deputado bancada CNRT ne’e aseita ho pedido xefe estado husu atu envolve membro deputado sira iha vizita estado ne’e.
Maibé, deputado Joaquin Dos Santos, la aseita atu envolve deputado sira iha vizita presidente repúblika, tamba presidente republika nia vizita representa ona estado Timor Leste.
Deputado bancada PLP Francisco De Vas Conselhos reforsa, disuksaun ajenda estado la presija ona deptuado sira, maibe xefe estado bele halo diskusaun ho nia homologo.
Entretanto, parlamentu nasional autoriza viazen xefi estadu ba republika Singapura ho votus a favor 46 kontra no abstensaun zero.
(Alau/Siso)
