Dili – Inan faluk Verónica Xavier Barreto husu tulun ba Xanana Gusmão, atu resolve rai disputada, nebe nia okupa, iha suco Camea.
Inan faluk Verónica Xavier Barreto hateten, nia okupa rai desde tinan 1985.
Maibé, derepente rai ne’e ema balun fa’an tiha ba Alexadre Dos Santos no sen koñesimentu husi faluk veronica.
Sasin José Ximenes husu ba tribunál atu verifika dokumentu no faktu sira ho lolos, nune’e labele halakon inan faluk nia direitu.
Xefe aldeia Bedois, JOSÉ PEREIRA, preokuka ho desizaun tribunál distrital Dili, tanba la konsidera autoridade lokal iha suku Cameia.
RTTL konfirma ho ema ne’ebé sosa rai, Alexandre Dos Santos via telephone, maibé la foo komentáriu no husu atu jornalista konfirma ho tribunal.
Iha loron hanesan, juventude parlamentu foinsae, to’o kedas iha terrenu hodi hari baraka ba inan faluk ho nia família sira atu hamahan an, hodi hein desizaun tribunal nian.
(José/Siso)
