Dili – Mota hatulaun lori atanazia da luz tinan 12 hafoin fila husi missa ba komemorasaun loron 12 iha kapela guisarudu.
Representa fámilia matebian, Ismael Oliveira Martins hateten, Atanazia Da Luz nudar estudante kinta klasse, iha eskola primaria poerema.
Familia matebian konta katak, matebian ho nia kolega sira atu hakat mota hatulaun ba iha sorin, maibé matebian monu kedas iha fatin, tanba korente mota nebe boot.
Xefe suku fatubolu, Adelino Soares, sente triste ho situasaun ne’e tamba suku fatubolu lakon tan nia ema ida.
Atanazia Da Luz hanesan oan feto mesak husi nia inan Agusta Barros Dos Santos nudar feto faluk.
Mate isin hetan fali hafoin liu loron ida, iha fatuk leet, besik iha asulau no matebian nia kondisaun, ulun rahun no isin sira bubu no metan.
Hafoin hetan mate isin, polisia postu fatubolu ba kedas fatin akontesimentu hodi rekoila informasaun.
Matebian haloot ona iha matebian nia knua, aldeia apiradu, iha segunda-feira ohin.
(Juvenal/Siso)
