DIli – Teras propriedade sobu obrigatoriu lutu ne’ebe kompaiñia balun hari’i haleu rai estadu, iha area Markoni.
Diretor jeral terras no propriedades, Antonio Da Costa hateten, ministeriu justisa liu husi terras propriedade fo prazu loron sanulu ba kompainia atu sobu kalen ne’ebe didin haleu rai Markoni, maibe kompainia la kumpri, tamba ne’e, kinta-feira ohin, governu liu husi ministeriu justisa deside sobu obrigatoriu kalen ne’ebe didin haleu iha rai Markoni, tanba rai refere konsideradu proprietario estadu.
Kordenador kazu rede ba rai, Domingos De Andrade apoiu desizaun governu hodi sobu kalen ne’ebe kompainia didin haleu rai estadu iha area Markoni.
Advogadu privadu Cancio Freitas hateten, sira simu duni notifikasaun, maibé la kumpri tanba rai ne’e propritariu privadu, maibé governu ho obrigatoriu sobu advogadu sei lori governu ba tribunal.
Tuir observasaun jornalista RTTL nian iha terrenu, prosesu eviksaun ba kazu ne’e hetan seguranca máximu husi komando pntl dili eskuadra Dom Aleixo.
(Juvenal/Siso)
