Dili – Governu sei apresenta proposta orsamentu geral estado tinan 2023 ba parlamentu nasional, iha loron 1 fulan outobru, tinan ne’e.
Presidente komisaun C finansas públika, Maria Anjelika Ranjel informa, mudansa kalendario ne’e akontese, tamba parlamentu nasional halo ona alterasaun ba lei jestaun finanseira ba lei enkuadramentu orsamental.
Deputada Maria Anjelika esplika, lei enkuadramentu orsamentu ne’e obriga governu atu aprezenta proposta orsamentu geral estado no tuir kedas programa, no relatorio ezecusaun orsamentu geral estado tinan nee.
Tamba ne’e, iha fulan agusto tinan ne’e, governu apresenta ona lei grande opsoens planu hodi alinea ho programa ne’ebe sei implementa iha orsamentu geral estado tinan oin.
Tuir kalendariu orsamental, governu apresenta orsamentu geral estado iha loron 15 fulan outobru, maibe tinan ne’e iha diferensia tamba alterasaun lei gestaun finanseira.
Orsamentu geral estado tinan oin, konselhu ministro aprova ona ho valor biliaun tolu resin dolares amerikano, nebe sei aloka biliaun ida ba fundo veteranos.
(Alau/Siso)
