Dili – Ekipa konjunta kaptura suspeito ho inisial R.D.S, tanba lansa informasaun ameasa hasoru F-FDTL no PNTL, iha facebook.
Ekipa konjunta konstitui, husi servisu informasaun polisia ho servisu informasaun militar.
Suspeitu kaptura, iha area Aimutin hodi lori ba halo identifikasaun iha servisu investigasaun kriminal nasional.
Durante prosesu identifikasaun autor rekoinese ID facebook ho naran Mas Rama nia mak utiliza.
Iha parte seluk, ekipa konjunta mos kaptura ona autor ho inisial M.G iha area Bemori, ne’ebe lansa informasaun iha media sosial facebook katak membru polisia Antonio Soares maka baku mate José Bernardo iha sela polisia Dili.
Ekipa konjunta sei buka tuir tan autor sira seluk ne’ebe lansa informasaun provokativu no ameasa iha media sosial.
Dadaun ne’e, suspeitu nain rua liberta fali ona hafoin prosesu identifikasaun, iha oras sanulu resin rua nia laran.
(Juvenal/Siso)
