Dili – Komandu polisia munisipiu Dili buka tuir ona autor nain tolu ne’ebe sona kanek vítima Estevão Pereira, iha Lurumata.
Segundu komandante polisia munisipiu Dili, superintendente João Sancho Pires konfirma, servisu investigasaun kriminal eskuadra Dom Aleixu prosesa ona auto nutisia ba ministeriu publiku.
komandu polisia munisipiu Dili lansa ona servisu intelijensia no servisu informasaun polisia hodi buka tuir suspeitu neebe hakanek vitima.
Kazu ne’e, akontese iha loron sabadu semana kotuk, iha tuku ida madrugada, iha area lurumata.
Tuir informasaun katak, suspeitu deskoinesidu nain tolu ho motorizada revo, sona kanek vitima, besik nia uma, rejulta vitima Estevão Pereira sofre kanek iha kostelas ka ruin iha kalilin okos, parte liman los.
(Juvenal/Siso)
