Dili – Timor-Leste Preparadu Hodi Kombate Kazu Trafiku Humanu.
Ministru presidensial konsellu ministru, Fidelis Leite Magalhães, hatoo pozisaun nee, iha abertura formasaun kona-ba trafiku humanu, iha sentru formasaun polisia Komoro Dili, segunda-feira ohin.
Ministru presidensia konsellu ministru, Fidelis Leite Magalhães konsidera, trafiku humanu hanesan krime global ne’ebe akontese iha nasaun dezenvolvidu sira iha mundu.
Governante ne’e husu ba PNTL ho servisu imigrasaun atu servisu makas hodi antisipa no kombate aktividade trafiku humanu iha Timor-Leste.
Tamba, kazu trafiku humanu parte iha hanesan krime organizadu no krime trans nasional ida ne’ebe fo ameasa ba futuru Timor Leste.
Xefe investigasaun kriminal nasional-PNTL, superintendente polisia George Monteiro argumenta, formasaun ne’e sei fasilita investigasaun husi ekipa investigador.
Formador ba kursu, apoiu husi programa dezenvolvimentu polisia Timor Leste-TLPDP ho durasaun semana ida ba investigador nain 26 husi servisu investigasaun kriminal PNTL no servisu imigrasaun nain.
(Juvenal/Siso)
